Janubiy Koreya Fransiyaga yutqazgandan so’ng VNLdan tushib ketdi

Kang So-hvi boshchiligidagi Janubiy Koreya ayollar milliy voleybol terma jamoasi achchiq taqdirga duch keldi — Yaponiyaning Chiba Port Arenasida Fransiyaga 0:3 (17:25, 19:25, 21:25) hisobida mag’lub bo’lib, Volleyball Nations League (VNL)dan tushib ketdi.

Nufuzli musobaqada qolish uchun kurash Janubiy Koreya uchun achinarli yakunlandi — jenshen mamlakatining jamoasi turnir jadvalidagi xavfsiz o’rin uchun Tailandga yutqazib qo’ydi. Ikki jamoa ham bittadan g’alaba qozondi, ammo Tailand 6 ochko bilan Koreyaning 5 ochkosidan ustun keldi.

Tailand Kanadaga qarshi 2:3 (25:17, 23:25, 28:30, 25:23, 13:15) hisobida o’tgan o’yindan so’ng o’z o’rnini mustahkamladi.

“Bugun nima qilishimiz kerakligini bildik va buni vatanimiz va muxlislarimiz uchun qilishni xohladik,” dedi Tailand terma jamoasi kapitani Ajcharaporn Kongyot, Volleyball World xabar berganidek. “Jamoamiz bilan faxrlanaman, chunki bu mavsumda ko’p qiyinchiliklarga qaramay VNLda qola oldik.”