Barselona Ademola Lukmanni, Bayern Myunxen Luis Díazni ko’zlamoqda

Yevropaning yetakchi klublari yozgi transfer oynasida faol harakat qilmoqda. Barselona Atalanta qanotchisi — Ademola Lukmanni 50 million yevrodan kam summaga olishni rejalashtirmoqda, chunki uning shartnomasi ikki yildan so’ng tugaydi.

Bayern Myunxen Liverpul qanotchisi — Luis Díaz uchun 52 million yevrolik taklif berdi. Kolumbiyalik futbolchi Allianz Arenaga o’tishdan manfaatdor ekanligi aytilmoqda. U Liverpul bilan muvaffaqiyatli mavsumni yakunlab, 13 ta gol va beshta assist qayd etgan.

Nikolas Jekson ikki yil oldin qo’shilgan Chelsini tark etishi mumkin. Milan klubi va bir nechta Premier-liga hamda Seriya A klublari 24 yoshli hujumchiga qiziqish bildirmoqda.

Nottingem Forest Brentford hujumchisi — Yoan Vissani 25 million funt sterlingga sotib olishga urinishi muvaffaqiyatsiz yakunlandi. Brentford o’tgan mavsumda 19 ta gol urgan futbolchini 50 million funt sterlingdan yuqori summaga sotishni rejalashtirmoqda.

Manchester Yunayted darvozaboni — Andre Onana kelasi mavsumda Old Traffordda qolishi kutilmoqda. Klub yangi darvozabon olish rejasini qayta ko’rib chiqishga qaror qildi, Monako bilan muzokaralar esa rivojlanmadi.