Tottenham Hotspur Mohammed Kudusni West Hamdan rasman transfer qildi

ESPN xabar berishicha, Tottenham Hotspur West Ham Uniteddan yarim himoyachi Mohammed Kudusni 55 million funt sterlingga transfer qilishni yakunladi — bu uning shartnomasidagi 85 million funtlik transfer bandidan ancha past.

24 yoshli Gana terma jamoasi a’zosi Spurs bilan olti yillik shartnoma imzoladi — u yangi murabbiy Tomas Frankning birinchi transferi bo’ldi.

“Bu yerda bo’lish ajoyib, men juda xursandman va boshhlashni intiqlik bilan kutmoqdaman,” dedi Kudus. “Men bu yerga kelishimning eng muhim sabablaridan biri — bu klub loyihasi va murabbiyning uni qanday ko’rishi, hamda u bilan rivojlanish imkoniyati.”

West Hamdagi faoliyati davomida Kudus ajoyib natijalarni qayd etdi — ikki yil oldin Ajaxdan o’tganidan beri 80 ta o’yinda 19 ta gol urib, 13 ta gol uzatmani amalga oshirdi.

Tottenham shuningdek, Nottingham Forest yarim himoyachisi Morgan Gibbs-Whiteni ham ko’zlayotgani aytilmoqda — u o’tgan mavsumda 7 ta gol urib, 8 ta gol uzatmasini bergan va klubining 29 yildan beri birinchi marta Yevropa musobaqalariga chiqishiga yordam bergan.