Britaniya parlamenti professional futbol klublari uchun yangi qonunni tasdiqladi

Britaniya Parlamentining Quyi palatasi Futbol boshqaruvi to’g’risidagi qonunni — professional klublar uchun nazorat organini tashkil etuvchi qonunni tasdiqladi. Ovoz berish natijasida 415 deputat tarafdor va 98 deputat qarshi ovoz berdi.

Madaniyat vaziri Lisa Nandy ushbu qonun Premier-liga va Ingliz Futbol ligasi (EFL) klublarini nazorat qilishini — asosiy maqsad klublarning barqaror boshqaruvini ta’minlash va bankrotlikning oldini olish ekanligini ta’kidladi.

“Biz o’z manifestimizda harakatsizlik yillarini tugatish va muxlislar uzoq vaqt davomida kurashib kelgan o’zgarishlarni amalga oshirishni va’da qilgan edik,” dedi Nandy.

“Bu Makklesfield, Uigan, Bary, Bolton, Derby, Riding, Sheffild Uensdey, Morekamb va boshqa ko’plab klublar uchun, ular birinchi o’rinda bo’lishi kerak bo’lganda oxirgi o’ringa qo’yilganidan azob chekkan klublar uchundir,” deya qo’shimcha qildi u.