Lily Yohannes 450 ming yevroga Lion jamoasiga o’tdi

AQSh ayollar milliy terma jamoasi yarim himoyachisi Lily Yohannes taxminan 450 ming yevro evaziga OL Lionga rasman o’tdi, ESPN xabar qilmoqda.

18 yoshli futbolchi — avvalgi klubi Ayaks safidan — Yevropa Chempionlar Ligasining sakkiz karra g’olibi bilan 2028-yil iyungacha bo’lgan uch yillik shartnoma imzoladi. Ayaks kelgusidagi transfer summasidan ham ulush oladi.

Lily Yohannes — Virjiniyada tug’ilib, 10 yoshida Niderlandga ko’chib o’tgan — Ayaks safida Pari Sen-Jermeng qarshi o’yinda UEFA Ayollar Chempionlar Ligasida o’ynagan eng yosh futbolchi rekordini o’rnatdi. U AQSh terma jamoasida sakkiz marta maydon ga tushib, o’tgan yili debyut o’yinidayoq gol urdi.

“Unda ajoyib yetuklik va o’rganish qobiliyati bor. U bizning dasturimizning muhim qismiga aylanishiga ishonchim komil,” deya ta’kidladi AQSh terma jamoasi bosh murabbiyi Emma Xeys yaqinda.