Yekaterina Aleksandrova Uimbldonning chorak finaliga chiqa olmadi

Dunyoning 17-raketkasi rossiyalik Yekaterina Aleksandrova 1/8 final uchrashuvida shveycariyalik tennischi Belinda Benchichga (reytingda 35-o‘rin) 6:7 ​​(4:7), 4:6 hisobida imkoniyatni boy berib, “Uimbldon”ning chorak finaliga chiqa olmadi.

Uchrashuv 1 soat 58 daqiqa davom etdi. O’yin davomida Belinda Benchich bitta eys xizmat qildi, uchta qo’sh xatoga yo’l qo’ydi va oltita breyk-poyntning to’rttasini ochkoga aylantirdi. Yekaterina Aleksandrova uchta eys, beshta qo‘sh xato qildi va 11 breyk-poyntdan uchtasini o’z foydasiga hal qildi.

“Uimbldon-2025″ning chorak finalida Belinda Benchich rossiyalik boshqa tennischi Mirra Andreeva va amerikalik Emma Navarro o’rtasidagi uchrashuv g’olibiga qarshi maydonga tushadi.