Chelsi Real Betisni yengib Konferensiyalar Ligasi sovrini qo’lga kiritdi

Chelsi Polshaning Vroclav shahrida o’tkazilgan Konferensiyalar Ligasi finalida Real Betisni 4:1 hisobida mag’lub etdi. Bu uch yil oldin boshlangan Todd Boyli egaligi davridagi ilk sovrin bo’ldi.

Edde Ezzalzoulining goli hisobiga ortga tushib qolishiga qaramay, “Ko’klar” Enzo Fernandes, Nikolas Jekson, Jeydon Sancho va Moises Kaisedoning to’plari bilan javob qaytardi.

Koul Palmer ikkita ajoyib assist bilan o’yinda ko’zga tushdi va Chelsi UEFAning to’rtta musobaqasining hammasida g’alaba qozongan ilk klub sifatida tarixga kirdi.

“Umid qilamanki, bu boshlang’ich nuqta bo’ladi. G’alaba ruhiyatini shakllantirish uchun o’yinlar va musobaqalarda g’alaba qozonish kerak,” dedi murabbiy Enzo Mareska.

“To’pni olib faqat orqaga va yon tomonga uzatishdan charchadim,” dedi Palmer ikkinchi taymda o’z o’yinini o’zgartirganini tushuntirib.

Bu muvaffaqiyat Chelsining yaqinda Premier-ligada to’rtinchi o’rinni va kelasi mavsum uchun Chempionlar ligasi yo’llanmasini qo’lga kiritish yutuqlarini to’ldirdi.