Ser Jim Ratkliff boyligi keskin kamaydi, MYu qattiq tejash rejimini joriy qildi

Sunday Times Rich List ma’lumotlariga ko’ra, Manchester Yunaytedning minoritar egasi Ser Jim Ratkliffning boyligi so’nggi 12 oy ichida 23,519 milliard funtdan 17,046 milliard funtgacha keskin kamaydi.

Manchester Yunaytedning 27,7% ulushiga ega bo’lgan aksiyador klubga qo’shilganidan beri turli tejash choralarini joriy qildi. Yuzlab xodimlarni qisqartirish, chipta narxlarini oshirish va 100 000 tomoshabinga mo’ljallangan stadion qurish rejalarini o’z ichiga oladi.

Tejash choralari ta’siri kelgusi hafta Bilbaoda Tottenhem bilan bo’ladigan Yevropa Ligasi finaliga tayyorgarlik paytida ham ko’rinib turibdi. Murabbiy Ruben Amorim klub safar chiptalarini qoplab berishni rad etganidan so’ng, 30 nafar yordamchi xodim va ularning oilalarini o’z hisobidan olib borishi kerak bo’ldi.