Ronaldu Al Nassrdan so’ng Marokash klubiga o’tishi mumkin

Bolasport.com xabar berishicha, Krishtianu Ronalduning Al Nassrdagi kelajagi noaniq bo’lib qolmoqda va portugaliyalik yulduz 2025 yilgi Klublar o’rtasidagi jahon chempionatida qatnashadigan Marokash klubiga qo’shilishdan manfaatdor ekanligi aytilmoqda.

Ronalduning Saudiya Arabistoni klubi bilan shartnomasi taxminan bir yildan so’ng tugaydi. Biroq Al Nassr bilan shartnomani uzaytirish bo’yicha hali aniqlik yo’q.

O’tgan yil boshidan Ronalduning Saudiya Arabistoni ligasiga kelishi katta ta’sir ko’rsatdi — ko’plab yevropalik yulduz futbolchilar uning izidan bordi va stadionlar tomoshabinlarga to’lib-toshdi.

Al Nassrdagi faoliyati davomida Krishtianu Ronaldu katta hissa qo’shdi va Faris Najd taxallusiga ega bo’lgan jamoa uchun ko’plab gollar va golli uzatmalarni amalga oshirdi.