Napoli so’nggi o’yinda dramatik g’alaba bilan A Seriyada chempioni bo’ldi

Napoli Diego Armando Maradona stadionida Kaliyari ustidan 2:0 hisobida g’alaba qozonib, 2024-2025 yilgi A Seriya chempionligini qo’lga kiritdi.

Skott MakTominey 42-daqiqada mezbon jamoa tarkibida hisobini ochdi. Manchester Yunayted sobiq futbolchisi qanotdan uzatmani qaychi usulida zarba bilan Kaliyari darvozasiga yo’lladi.

Napoli hujumchisi Romelu Lukaku 51-daqiqada hisobni oshirdi. Belgiyalik hujumchi jamoasini 82 ochko bilan turnir jadvalining yuqori pog’onasiga olib chiqadigan g’alabani ta’minladi.

A Seriya chempionligi Napoliga tegishli bo’ldi, chunki ular ikkinchi o’rinni egallagan Inter Milandan bir ochko ustun kelishdi. Simone Indzagining shogirdlari safarda Komoni 2:0 hisobida mag’lubiyatga uchratdi.