Messi Piladelpiyaga qarshi ajoyib jarima to’pi bilan gol urdi

Lionel Messi Subaru Parkda Piladelpiya Yunionga qarshi o’yinda ajoyib jarima to’pi bilan gol urib, Inter Mayamining 3:3 hisobidagi durangga erishishiga yordam berdi.

Piladelpiya Yunion birinchi taymda Kuinn Sullivan va Tai Baribo gollari evaziga 2:0 hisobida oldinga chiqdi. Tadeo Allende 60-daqiqada hisobdagi farqni qisqartirdi, ammo Baribo yana bir gol urib, mezbon jamoaning hisobini 3:1 ga yetkazdi.

Asosiy vaqt tugashiga uch daqiqa qolganda — Lionel Messi darvozaning yuqori burchagiga mukammal jarima to’pini amalga oshirdi va Piladelpiya darvozaboni bu zarbani qaytara olmadi. Bu gol argentinalik superyulduzning kariyerasidagi 67-jarima to’pidan urgan goli bo’ldi.

Barcha davrlar jarima to’pidan gol urish rekordi:

• Juniniyo Pernambukano – 77 gol
• Pele – 70 gol
• Lionel Messi – 67 gol
• Ronaldinyo – 66 gol
• Viktor Legrottaglie – 66 gol
• Devid Bekxem – 65 gol
• Krishtianu Ronaldu – 64 gol

Messining goli so’nggi daqiqalargacha davom etdi — Telasko Segovia 90+5 daqiqada Messining individual harakatidan so’ng yuzaga kelgan vaziyatdan foydalanib, hisobni tenglashtirishga erishdi.

Inter Mayami endi MLS Sharqiy Konferensiyasida 14 o’yindan 23 ochko bilan oltinchi o’rinda turgan bo’lsa, Piladelphiya Yunion 15 o’yindan 30 ochko bilan turnir jadvalida peshqadamlik qilmoqda.