Mason Mount Manchester Yunayteddagi qiyin davrni muhokama qildi

Mason Mount Manchester Yunayteddagi murakkab boshlanishi haqida gapirdi. Yarim himoyachi ikki yil oldin Chelsidan 60 million funt sterlingga o’tganidan beri atigi 45 ta o’yinda ishtirok etdi.

26 yoshli futbolchi hozir to’liq tiklanib, Yevropa Ligasi finalida Tottenxem Xotspurga qarshi o’ynashga tayyor. U Ruben Amorim boshchiligida so’nggi to’rtta o’yinning uchtasida maydonga tushdi.

“Mashg’ulot qilishni hohlagan payitimda Karringtonda davolash xonasida ko’p kunlarni o’tkazdim. Tribunada o’tirib, o’ynashni xohlagan o’yinlarni tomosha qildim,” dedi Mount.

Yunayted safida faoliyatining boshida jarohat olganidan so’ng, Mount ikki mavsumda jami yetti oy maydondan chetda qoldi. Ammo endi u jamoaga maksimal hissa qo’shishga umid qilmoqda.

Jorj Best va Kristianu Ronaldu kiygan afsonaviy 7-raqamli forma egasi sifatida katta bosimga qaramasdan Mount Yunaytedni Chempionlar Ligasiga qaytaradigan Yevropa Ligasini yutish maqsadiga e’tiborini qaratmoqda.

“Bu oson mavsum bo’lmadi, lekin biz final o’yinini yutish uchun barcha kuchimizni sarflaymiz. Ligadagi natijalar yetarli emas va bu keyingi mavsum ustida ishlashimiz kerak bo’lgan narsa,” deya qo’shimcha qildi u.