Mareska Chelsining Chempionlar Ligasiga chiqishidan so’ng tanqidchilarga keskin javob berdi

Matbuot anjumanida Enzo Mareska Premier-liganing so’nggi turida Nottingem Forestni mag’lub etib, Chempionlar ligasiga yo’llanmani qo’lga kiritgan Chelsi uchun tanqidchilarga keskin javob berdi.

51-daqiqada Levi Koluill tomonidan urilgan gol — Chelsiga to’rtinchi o’rinni ta’minladi, Forest esa Konferensiya ligasiga yo’llanma beruvchi yettinchi o’ringa tushib qoldi.

Premier-liga tarixidagi eng yosh tarkib bilan maydonga chiqqan Chelsi — o’rtacha yoshi 24 yil bo’lgan jamoa ikki mavsumlik tanaffusdan so’ng Yevropa elita turnirga qaytadi.

“Men hech qachon o’yinchilarimizga shubha qilmadim. Shubhalar tashqaridan keldi. Hamma narsaga javobi bor deb o’ylaganlar bizni juda yosh va yetarli darajada yaxshi emas deyishdi. Afsuski, ularning barchasi nohaq bo’lib chiqdi,” dedi Mareska.

Forest bosh murabbiyi Nuno Espirito Santo esa:

“Biz orzuimizga erisha olmadik. Birinchi taymda juda yaxshi o’ynadik, ko’p muammolar va imkoniyatlar yaratdik, lekin bu yetarli bo’lmadi. Biz faxrlanamiz va yana qaytamiz.”