Maradona o’limi bo’yicha Buenos-Ayres klinikasida politsiya reyd o’tkazdi

Sud qarori asosida politsiya Buenos-Ayresning Los Olivos klinikasida Diego Maradonaning barcha tibbiy yozuvlarini musodara qilish uchun to’satdan reyd o’tkazdi. Ushbu holat futbol afsonasining o’limida ehtiyotsizlikda gumon qilingan yetti tibbiyot xodimi ustidan sud jarayoni bilan bog’liq.

Los Olivos klinikasi tibbiy direktori Pablo Dimitroff Maradona operatsiyadan oldingi tekshiruvdan o’tganini va neyroxirurg tomonidan asoratsiz operatsiya o’tkazilganini ma’lum qildi. Biroq, bu tekshiruv natijalari Maradonaning tibbiy tarixiga kiritilmagan.

To’rt soat davom etgan reyd natijasida taxminan 275 sahifa arxiv va hozirda sud qilinayotgan tibbiyot xodimlari o’rtasida almashilgan 547 ta elektron xat musodara qilindi. Maradona bosh suyagi va miyasi orasidagi gematomani olib tashlash operatsiyasidan so’ng Los Olivos reanimatsiya bo’limida davolangan, keyinchalik 60 yoshida vafot etgan.