Manchester Yunayted Garnachoni shov-shuv bayonotidan so’ng sotishga tayyor

Manchester Yunayted Yevropa Ligasi finalidan so’ng shov-shuv bayonotlar bergan Alexandro Garnachoni yozgi transfer ro’yxatiga kiritish to’g’risida qaror qabul qildi.

Yevropa Ligasi finalida Tottenhem Hotspurga 0:1 hisobida mag’lub bo’lganidan so’ng, Garnacho Old Traffordni tark etish ehtimolini ma’lum qildi va bu bayonot klub uchun tahdid sifatida qabul qilindi.

Yosh futbolchining noroziligi murabbiy Ruben Amorimning qaroriga qaratilgan bo’lib, u turnir davomida 15 ta o’yinda bir gol va to’rtta assist qayd etganiga qaramay, faqat 20 daqiqa maydonda to’p surdi.

“Finalgacha men jamoaga yordam berish uchun har bir bosqichda o’ynadim. Keyin final keldi va men atigi 20 daqiqa o’ynadim” – deydi futbolchi.