Lukas Paketaning rafiqasi match-fixing tergovi paytidagi oilaviy qiyinchiliklarni aytib berdi

Vest Ham Yunayted yarim himoyachisi Lukas Paketaning rafiqasi Maria Eduarda Fournier match-fixingni tekshirish paytida oilasining boshidan o’tgan qiyinchiliklarni ochib berdi.

Braziliya terma jamoasi a’zosi Angliya Futbol Assotsiatsiyasi (FA) tomonidan Premier-ligada garov o’yinlari uchun to’rtta sariq kartochkani qasddan olganlik bo’yicha ayblovlar yuzasidan tinglovi natijalarini kutmoqda. Futbolchining o’zi bu ayblovlarni qat’iy rad etmoqda.

“Erimning pozitsiyasi va kuchi meni hayratga soladi va men uni juda hurmat qilaman! Biz bu qora kunlarni ikki yildan beri boshimizdan kechiryapmiz va u doimo kuchli bo’lib keldi… U o’zini faqat to’g’ri vaqtda va to’g’ri joyda himoya qilishni xohlardi,” deya Instagram’da yozdi Fournier.

Yaqinda Tottenhem bilan 1:1 hisobida yakunlangan o’yinda Paketa Mikey Murga qarshi qo’pol o’yin uchun sariq kartochka olganidan so’ng yig’lab yubordi. Shundan so’ng murabbiy Grahem Potter uni almashtirib yubordi.

“Menimcha, u shunchaki o’z ishini eng yaxshi tarzda bajarishga harakat qilayotgan va vaziyatni yaxshilashni xohlayotgan futbolchi, ehtimol, bu holatdan biroz tushkunlikka tushgandir,” dedi Potter matbuot anjumanida.