Jude Bellingem El Klasiko oldidan jiddiy sinovga duch kelmoqda

Jude Bellingem — Real Madridning ilgari ajoyib o’yin ko’rsatgan yarim himoyachisi, hozirda Santiago Bernabeudagi faoliyatida qiyin davrni boshdan kechirmoqda.

O’tgan mavsumda ingliz futbolchisi ajoyib yutuqlarga erishdi. Barselonaga qarshi uchta o’yinda bir assist va ikki g’alaba keltiruvchi gol kiritib, jamoasining uchta unvon yutishiga katta hissasini qo’shdi.

Biroq, bu mavsumda vaziyat keskin o’zgardi:

• Barselonaga qarshi uchta o’yinda uchta mag’lubiyat
• Asosiy raqibga qarshi 314 daqiqada gol ham ura olmadi, golli pas ham yo’q
• Copa del Rey finalida qizil kartochka
• Jismoniy ko’rsatkichlarning pasayishi — raqib yarim maydonida to’p olib qo’yish bo’yicha ligada 30 – o’rin

Qiziq tomoni shundaki, Bellingem o’zi bu qiyinchiliklarni mavsum boshidanoq bashorat qilgan edi. O’tgan avgust oyida UEFA Super Kubogini qo’lga kiritgandan so’ng, zich o’yin jadvali haqida tashvishini bildirgan.

“Ha, va buning uchun biz 190 ta o’yinni o’tkazishimiz kerak!” — dedi Bellingem qo’shimcha oltita trofeyni qo’lga kiritish imkoniyati haqida so’ralganda.

Hozirda Madrid to’rt o’yin qolganida Barselonadan to’rt ochko orqada. Bu hafta oxiridagi El Klasiko Bellingem uchun o’tgan mavsumda bo’lgani kabi qahramon bo’la olishini isbotlash uchun hal qiluvchi lahza bo’ladi.