Jemi Vardy Lester Citini tark etgach faoliyatini davom ettirmoqchi

Jemi Vardy bu mavsum oxirida Lester Sitini tark etishini tasdiqladi. U klubdagi 13 yillik faoliyatida Lester uchun 198 ta gol urgan.

38 yoshli hujumchi Lesterning Premer-liga va FA Kubogi g’olibligiga erishishida muhim rol o’ynagan. Bu mavsumda uning o’yini pasayib, Lester Chempionshipga tushib ketganda 34 ta o’yinda atigi 8 ta gol urdi.

“Men hali ham eng yuqori darajada raqobatlasha olaman. Futbol — aql bovar qilmas dunyo, nima bo’lishini hech kim bilmaydi. Oyoqlarim to’xtashni aytmaguncha o’ynashda davom etaman,” dedi Vardy Sky Sportsga.

Ipsvich Toun bilan o’yin Vardy uchun Lester Sitining uy maydonidagi so’nggi o’yini bo’ladi. Klub o’zining “barcha davrlar bo’yicha eng buyuk o’yinchisi”ga maxsus hurmat ko’rsatishni rejalashtirmoqda.

“Oilam meni hissiyotsiz deyishadi. Balki o’yin oxirida his qilarman, lekin u paytgacha men o’yinga e’tibor qarataman,” deya qo’shimcha qildi u.