Harry Keyn Bavariya Myunxen bilan ilk trofeyini qo’lga kiritdi

Harry Keyn Bavariya Myunxen bilan ilk trofeyini qo’lga kiritgach, quvonchini izhor etdi. Bayer Leverkuzen durang o’ynagandan so’ng, nemis klubi rasman Bundesliga chempioni deb e’lon qilindi.

31 yoshli hujumchi ajoyib natijaga erishdi — Bavariya uchun ligadagi ilk 60 o’yinda 60 gol urib, yangi musobaqa rekordini o’rnatdi.

“Ajoyib kecha bo’ldi, o’yinchilar va xodimlar bilan nishonladik. Ajoyib his, bunga erishish uchun uzoq vaqt talab qilindi. Bu mening faoliyatimdagi ilk unvonim,” dedi Keyn.

Sobiq Tottenxem Xotspur hujumchisi bu hafta oxirida Alyans Arenada muxlislar bilan birga g’alabani nishonlashga tayyorlanmoqda. Klub va milliy jamoa uchun 400 dan ortiq gol urgan Keyn endi Bundesligada ketma-ket ikki mavsumda to’purarlar ro’yxatini boshqargan ilk futbolchi bo’lish imkoniyatiga ega.