Garnacho Manchester Yunayteddagi kelajagini tasdiqladi

Alexandro Garnacho transfer payitida Manchester Yunaytedga sodiqligini tasdiqladi, manutd.com xabar berganidek.

20 yoshli futbolchiga yanvar transfer oynasida Napoli va Chelsi qiziqish bildirgan. Lekin u klubdagi vaziyatidan mamnunligini bildirib jamoada qolishga qaror qilgan.

“Mening MY bilan 2028 yilgacha shartnomam bor, shuning uchun men bu yerda baxtliman,” dedi Garnacho.

Ruben Amorim taxminan olti oy oldin kelganidan so’ng qiyin davrni boshidan kechirgan bo’lsa-da, Garnacho jamoaning o’yin tizimida asosiy o’yinchiga aylandi.

“Jamoada bo’lish uchun ko’p mehnat qilish kerakligini bilamiz va men har kuni yaxshi mashq qilishim kerak, shunda barcha o’yinlarda ishtirok eta olaman,” deya qo’shimcha qildi u.

Shu bilan birga, Amorim Bruno Fernandesning Al Hilolga o’tishi haqidagi mish-mishlarga ham munosabat bildirdi.

“U top o’yinchi, jamoa sardori va biz uchun juda muhim o’yinchi. Ko’p klublar Bruno, Garnacho va boshqa o’yinchilarni tarkiblarida xohlashi tabiiy. Lekin biz eng yaxshi o’yinchilarimizni saqlab qolmoqchimiz,” deya ta’kidladi Amorim.