FIFA 2031 yilgi Ayollar Jahon chempionatini 48 jamoagacha kengaytirishni tasdiqladi

ESPN xabar berishicha, FIFA Kengashi Ayollar o’rtasidagi Jahon chempionatini 48 jamoagacha kengaytirishini tasdiqladi. Mazkur qaror kelgusi hafta Paragvaydagi FIFA Kongressida yakuniy tasdiqlash uchun qo’yiladi.

AQSh, Meksika va Kanada — 2031 yilgi turnirga mezbonlik qilish uchun yagona birlashgan nomzod. 2026 yilda FIFAdan rasmiy tasdiqlashni olishi kutilmoqda.

Bu kengaytirish 2026 yildan boshlab 48 jamoani o’z ichiga oladigan erkaklar Jahon chempionati formatini aks ettiradi. 1991 yildagi 12 jamoali birinchi turnirdan beri musobaqa asta-sekin o’sib bordi:

• 1999-yilda 16 jamoa
• 2015-yilda 24 jamoa
• 2023-yilda 32 jamoa

AQSh Futbol federatsiyasi rahbari JT Batson kengaytirishni to’liq qo’llab-quvvatladi. “48 jamoali format ayollar futbolining global rivojlanishiga ajoyib ta’sir ko’rsatadi,” deya ta’kidladi u.

NWSL komissari Jessica Berman 2031 yilgi qo’shma mezbonlikni o’sish uchun katalizator deb biladi. 1999 yilgi turnir AQShda ayollar futboli uchun muhim burilish nuqtasi bo’lganini ta’kidladi.

Shu bilan birga, Buyuk Britaniya 48 jamoani o’z ichiga oladigan 2035 yilgi Ayollar Jahon chempionatiga mezbonlik qilish uchun yagona “haqiqiy taklif” taqdim etgan.