David Bekxem: Lamin Yamal Lionel Messiga teng bo’lishi mumkin

Manchester Yunayted afsonasi David Bekxem Barselonaning yosh iste’dodi Lamin Yamalda katta salohiyat ko’rmoqda. U yosh futbolchining Lionel Messi darajasiga yetishini bashorat qilmoqda.

Yamal bu mavsumda Barselona bilan ajoyib o’yin namoyish etishni davom ettirmoqda — Chempionlar Ligasi yarim finalining Inter Milanga qarshi ikkala o’yinida ham asosiy tarkibda maydonga tushdi.

Lyuis Kompanys Olimpiya stadionida o’tgan birinchi o’yinda 17 yoshli futbolchi tarix yozdi. U ajoyib gol urib, Chempionlar Ligasi yarim finalida eng yosh gol urgan o’yinchi bo’ldi va sakkiz yil oldin AS Monako safida o’ynagan Kilian Mbappening rekordini yangiladi.