Chelsea Jurgardenni yengib Konferensya Ligasi finaliga chiqdi

Chelsi UEFA Konferenssya kubogi finaliga yo’l oldi. Londonliklar Shvetsyaning Jurgarden klubini umumiy hisobda 5:1 bilan mag’lub etdi. The Blues final uchrashuvida Antony to’p suruvchi Real Betis bilan bellashadi.

Stamford Bridjdagi yarim final javob uchrashuvida Enzo Marescaning shogirdlari 1:0 hisobida g’alaba qozondi. Stokgolmdagi birinchi o’yinda Jadon Sancho, Noni Madueke va Nicolas Jeksonning dubl gollari evaziga erishilgan 4:1 hisobidagi g’alaba ko’p narsani yechib bergandi.

Chelsi javob uchrashuvida o’rtacha yoshi 22,8 yoshni tashkil etgan yosh tarkibni maydonga tushirdi. Reggi Ualsh klubning Yevropa musobaqalaridagi eng yosh startchi futbolchisi sifatida tarixga kirdi — iste’dodli qanotchi atigi 16 yoshda.