Bukauskas Kutelaba bilan jang oldidan UFC reytingiga kirishga tayyor

UFC yengil ogʻir vazn toifasining istiqbolli jangchisi Modestas Bukauskas UFC 315 Monrealda Ion Kutelabaga qarshi jang orqali divizionning top-15 reytingiga da’vo qilishga tayyor.

Ikkala jangchi ham ijobiy sur’at bilan kelmoqda. Bukauskas soʻnggi 5 ta jangidan 4 tasida gʻalaba qozongan boʻlsa, Kutelaba soʻnggi 4 ta bellashuvdan 3 tasida zafar quchgan.

“Bu jang qaysi birimiz Top 15ga kirishimizni hal qiladi deb oʻylayman,” dedi Bukauskas UFC Indonesia tashkil etgan intervyuda.

“Bu jangdan keyin kimni chaqirishni oʻylab qoʻyganman, lekin buni keyinroq aytaman,” deb qoʻshimcha qildi litvalik jangchi.