Arsenal Premier Liga tituli uchun yozgi ta’tilni qisqartirmoqchi

ESPN xabar berishicha, Mikel Arteta Arsenal jamoasi kelgusi mavsumda Premier Liga chempionligini qo’lga kiritish uchun yozgi ta’tilni qisqartirishni xohlayotganini ma’lum qildi.

Arsenal o’tgan oyda Liverpul chempionlikni qo’lga kiritganidan so’ng ikkinchi o’rin uchun kurashayotgan jamoa Chempionlar Ligasi yarim finalida Pari Sen Jermenga yutqazgach, bu mavsumda birorta ham sovrin qo’lga kirita olmadi.

O’tgan mavsumda Arsenalning 10 ga yaqin asosiy tarkib futbolchisi oilalari bilan Marbellada mashg’ulot o’tkazgan edi. Bu yilgi rejalar haqida so’ralganda, Arteta shunday dedi:

“O’yinchilarning o’zlari buni talab qilishmoqda. Hozirgi kunda 4-6 hafta faqat quyoshda yotib, ichimlik ichib, keyin to’g’ridan-to’g’ri 65 ta o’yinga chiqish — bu mumkin emas.”

Arsenal yozgi transfer oynasida ham faol bo’lishi kutilmoqda. Real Sosiedaddan Martín Zubimendi birinchi transfer bo’lishi mumkin. Boshqa mo’ljaldagi o’yinchilar:

• Espanyoldan Xuan García
• Atletik Bilbaodan Nico Uilliams
• RB Leipzigdan Benjamin Sesko
• Sporting CPdan Viktor Gyökeres
• Nyukasldan Alexander Isak

Shu bilan birga, fevral oyidan beri son mushaklari jarohati tufayli maydondan chetda qolgan Kai Havertz bu hafta oxirida Nyukasl Yunaytedga qarshi o’yinda jamoaga qaytishi mumkin.