Arsenal Ayollar jamoasi Chempionlar Ligasi finalida Barcelonaga qarshi kurashga tayyor

Arsenal murabbiyi Renee Slegers  Ayollar o’rtasida o’tadigan Chempionlar Ligasining finalida Barcelonaga qarshi o’ynashga tayyorligini bildirdi. Hal qiluvchi uchrashuv 25 may kuni Lissabonda o’tkaziladi. Barselona ketma-ket uchinchi marta mazkur turnirda g’alaba qozonishga harakat qiladi. Kataloniyaliklar yarim finalda Chelsini 8:2 hisobida mag’lub etib, final uchrashuvi favoritiga aylandi.

Arsenal yaqinda Manchester Unitedni 4:3 hisobida mag’lub etib, Ayollar Super Ligasida ikkinchi o’rinni egalladi. Bu natija Shimoliy London jamoasiga kelgusi mavsumda Chempionlar Ligasiga chiqish yo’lini osonlashtiradi.

“Biz bu mavqega erishganimizdan juda faxrlanamiz. Biz Barcelonaga hurmat ko’rsatamiz, lekin biz finalda g’alaba qozonish uchun bor kuchimizni ko’rsatishga harakat qilamiz.” – dedi Slegers.

Alessia Russo Chempionlar Ligasida yetti gol urib, shu jumladan chorak finalda Real Madridga qarshi ikki goli bilan ko’zga tushib, Arsenalning asosiy o’yinchisiga aylandi. Angliya milliy terma jamoasi hujumchisi Manchester Siti futbolchisi Xadicha Shou bilan birga 12 goldan urib, Ayollar Super Ligasining eng yaxshi to’purar unvonini bo’lishdi.