Amorim Manchester Yunaytedning Chempionlar Ligasiga chiqishidan xavotirda

Manchester United bosh murabbiyi Ruben Amorim jamoasining kelasi mavsumda Yevropa Ligasi orqali Chempionlar Ligasiga chiqish imkoniyati borasida ikkilanmoqda.

Qizil Iblislar — Premier-liganing 35-turidan so’ng 39 ochko bilan 15-o’rinda turibdi. MY to’rtinchi o’rindagi Nyukasl Yunayteddan 14 ochko orqada qolmoqda.

Premier-liga orqali chiqish imkoniyati yo’qolgan bo’lsa-da, Yunayted Yevropa Ligasini yutish orqali Chempionlar Ligasiga chiqishi mumkin. Qizil Iblislar yarim final birinchi o’yinida Atletic Bilbaoni 3:0 hisobida mag’lub etishgan.

“Menimcha, bu jamoa Chempionlar Ligasida raqobatlashishga tayyor emas va kelasi mavsumda Premier-liga uchun kurashish imkoniyatidan ham yiroq,” deya ta’kidladi Amorim.