Alexander-Arnold kelasi mavsumda Liverpulni tark etishini tasdiqladi

Liverpul himoyachisi Trent Alexander-Arnold ijtimoiy tarmoqlar orqali klubni tark etishini e’lon qildi. Futbolchi bu qarorni karyerasidagi eng og’ir qaror deb ta’rifladi.

Bu mavsumda Premier-liga chempioni bilan qolishni tanlagan Muhammad Salah va Virgil van Dijkdan farqli o’laroq, 26 yoshli himoyachi shartnomasi tugagandan so’ng Enfilddagi faoliyatini yakunlaydi.

“Shubhasiz, bu mening hayotimda qabul qilgan eng qiyin qaror,” – deb yozdi Alexander-Arnold. “Liverpulda 20 yil o’tkazgandan so’ng, kelasi mavsum oxirida klubni tark etishimni tasdiqlash vaqti keldi.”

Angliya milliy terma jamoasi a’zosi Ispaniya giganti Real Madrid safiga o’tishi kutilmoqda.