Alessiya Russo FWA yilning eng yaxshi ayol futbolchisi deb topildi

Arsenal va Angliya terma jamoasi hujumchisi Alessiya Russo Futbol Yozuvchilar Assotsiatsiyasi (FWA) tomonidan yilning eng yaxshi ayol futbolchisi deb tanlandi.

26 yoshli hujumchi Ayollar Super Ligasida eng yaxshi to’purar bo’lib turibdi — 20 ta o’yinda 12 ta gol va ikkita golga hammualliflik qilgan. O’tgan yilgi g’olib Xadicha Shou 14 ta o’yinda shuncha gol urgan bo’lsa-da, ovoz berishda ikkinchi o’rinni egalladi.

Russoning Arsenal jamoasidagi hamkori Mariona Kaldentey uchinchi o’rinni, Angliya himoyachisi Millie Brayt esa to’rtinchi o’rinni egalladi.

Russo Arsenalning 18 yil ichidagi birinchi Chempionlar Ligasi finaliga chiqishida muhim rol o’ynadi va u musobaqada yetti gol urdi. Arsenal shu oyning oxirida Lissabonda amaldagi chempion Barselona bilan uchrashadi.

Arsenal mavsumning oxirgi o’yinida Russoning sobiq jamoasi Manchester Yunaytedga qarshi uchrashuvda g’alaba qozonsa ligada ikkinchi o’rinni egallash imkoniyatiga ega.