A Seriyaning beshta murabbiyi mavsumning so’nggi turidan chetlashtirildi

Italiya A Seriyasining ma’lumotiga ko’ra murabbiylarining to’rtdan bir qismi — jumladan chempionlik uchun kurashayotgan Antonio Konte va Simone Inzagi bu mavsumning yakuniy o’yinlarida jamoalari skameykasida bo’lmaydi.

Napoli murabbiysi Konte jamoasining Caliyari bilan o’yinini tribunadan kuzatishi kerak bo’lsa, Inzagi juma kuni Inter Milan Komoga tashrif buyurganda ishtirok etmaydi. Hozirda Napoli Interdan bir ochko oldinda agar ikkala jamoa ham teng ochko to’plasa, chempion playoff o’yinida aniqlanadi.

“Bugun Parmaning to’siqlaridan g’azablandim. Men ingliz futboliga o’rganib qolganman, u yerda jarohatni bahona qilib to’xtashlar yo’q. Meni shu narsa g’azablantirdi va maydondan chiqarib yuborishdi,” dedi Konte o’yindan so’ng.

Bu ikki murabbiydan tashqari, Latsioning Marko Baroni va Milan Serxio Konceisao ham so’nggi o’yinlarida qizil kartochka olishdi. Kristian Kivu bilan birga beshta murabbiyning barchasiga bir o’yinlik diskvalifikatsiya va 5000 yevro jarima belgilandi.

Yevropa zonasi va tushish masalasini hal qiladigan qolgan oltita A Seriya o’yini yakshanba kuniga rejalashtirilgan.